Who are we poetry (What is our existence)

Who are we poetry

Who are we? Poetry

Tu kon hai?
Tera wajood kya hai?
Tu mitti hai, ek din mill jaana hai To ye guroor kya hai?
Kyu khojta rehta hai tu Pyaar ko manzilo me,
chehro me Jismo me ulajhta rehta hai tu baar baar,
Kya tujhe pata nahi Jisko tu dhoondta hai gali gali,,,
Vo tere andar hi baitha hai har ghadi…
Tu kal ka aaj hai? Ya aaj ka kal hai?
Tu aaftab ki aag hai? Ya mehtaab ki chamak hai?
Tu kal ka Ram tha Ki aaj ka Raavan hai?
Tu kal kon tha aur aaj kon hai?
Kitne chehre hai tere? Kitne nakaab hai?
Shayad tu kal chehra tha Aur aaj mukhauta hai..
Aur iss aaj aur kal ki zanjeero me Tu mar marke bas zinda hai…
Nahi tu aaj hai Nahi tu kal hai,,,
Nahi tu aaftaab hai Nahi tu mehtaab hai..

Who are we poetry


Nahi tu Ram hai Nahi tu Raavan hai…
Kabhi mulakaat ki hai tune khud se Aur poocha hai ki tu kon hai?
Tera wajood kya hai?
Chalo chhodo in sab baaton ko Khud ko talaashne nikle hai,,,,,
Sapne dhoondne nikle hai….
To ek Ek sair pe lekar chalte hai tumhe….
Vo ghar Vo ghar shayad tumhaara hi hai,,,,
Jaahan maatam chaaya hua hai….


Sab ro rahe hai Kuch to bura hone ko aaya hai,,,,
Abhi abhi pata chala hai Jo tere accident ki khabar aayi thi Vo jhooth nahi, sach hai….
Ab to tujhe aakhri baar dekhne ki aas liye Logo ka hujoom sa aaya hai,,,
Tere ghar waale, tere rishtedaar Aur vo shayad tere dost hai….
Tum unhe halke halke se dekh bhi paa rahe ho,,,
Par na jaane kyu Aaj iss dil aur dimaag me ek film si chal rahi hai….
Unke aansoon to dikh rahe hai,,,
Par apni hi zindagi ki kuch ghadiyaan nazar aarahi hai…..

Vo yaad hai?
Vo yaad hai kaise pehli baar cycle chalaana seekha tha,,,
Girne hi waale the par baba ne bacha liya tha….
Aur vo jab apni pehli kavita likhi thi,,,
Kis kis ko jaakar nahi sunaaya tha….
Par ye kya!!! Vo pal kyu aankhon ke saamne aagya?
Vo pal jab tum baba se bol sakte the
Ki I don’t want to do this,,,,,
I want to become a writer….

Who are we poetry


Par, kadam peeche le liye the tune,,,, Kaash Kaash uss din tune bol diya hota,,,,
To aaj jeene me bhi kya Marne me bhi maza aata…..
kisko bataaun Ki meri almirah ke Second drawer me,,,
In the left hand side A manuscript is lying Which can be the bestseller….
Par you wasted it becoming a Nine-to-Five Job….

Ae khuda,,,,
mohlat me kuch saanse baksh de,,,
Taaki mai jaake use publish kara paaun….
Apne uss aakhri khwahish ko mai poora karr paau,,,,
Par khuda to khud khada tha dehleez par Mujhe lene aaya tha,,,,
Bola usne Ab tu kyu rota hai?
Meri di hui zindagi ko Tab tu bojh samajhta tha….

Who are we poetry


Kitne pyaar se maine tujhe vo kalam ki taakat di thi,,,
Par tune to sirf samay ki barbaadi ki thi…
Kuch saansein bachi hai jee le tu,,,,
ab use Ab teri ye zindagi teri mohtaaj nahi rahi….
Ab teri yahi zindagi teri maut ban gayi,,,,,
Lete lete uss bistar pe Kya karoge tum? Kabhi khud se milna hua nahi aur maut saamne khadi thi…..

Par pata hai?
Pata hai ek duniya,, Ek duniya hai,,,,,
iss duniya se pare Vahaan milna kabhi khud se…..
Vahaan pe career ka bojh nahi hai,,,,
Nahi passion follow karne ki zidd….
Tera waqt Nine-to-Five nahi hai,,,
Aur na hi teri aukaat teri marksheet…
Nahi teri har din khud se hogi ladayi,,,
Aur nahi hafte ke do din tere Aur paanch din teri naukri ke honge…


Tu tu hoga, Baith jaana uss maidaan me Aur Saansein lena,, un thandi hawaaon me,,,,
Darna mat, ghabrana mat,,,
Vo saath rahenge tere….Vo hazaaron taare, vo khula aasmaan,,,,
Ye sooraj aur chaand Vo lehron ka shor, vo parvato ki baatein Mil lena unse…
Vo bitayenge tere saath vo haseen raatein,,,,
Aur fir vaapas aane ka mat sochna Mat,,,
sochna ki zindagi me kuch karna hai, Kuch banna hai,,,,
Kyuki agar kuch zindagi me karna hi hai na tujhe To zindagi jeena hai….

Who are we poetry


Fir Vaapas aakar agar tu CEO bann bhi gaya,,,
Vaapas aakar tu uss paiso ke pahaad pe chad bhi gaya….
Vaapas aakar har tu uss jung ko jeet bhi gaya,,
To kya ho jaayega? Din vahi rahenge, raatein vahi rahengi…
Kaam ka bojh vahi rahega,,,,
Tu khud se kabhi mil hi nahi payega…..
Kyuki uss daud me Tu khud ko bohot peeche chod aayega,,,,,
Par phir bhi,,Phir bhi tune thaan liya hai,,,
ki nahi Vaapas jaana hai, to baat sun le…
Girna bhi, daudna bhi, uthna bhi aur sambhalna bhi,,,,
Par uss cheez ke liye jisko tune dil se chaha hai….


Use career ya passion ka tag mat dena,,,
Kyuki fir usko dekhne ka nazariya badal jaayega….
Use paisa kamaane ki machine mat samajhna,,,,
Kyuki fir tera usse mann hatt jayega….
Use samajhna unn thandi hawaaon ki taraah,,,,
Jo tere gaalon ko choom kar chali jaati hai….
Unhe samajhna unn taaron ki taraah,,,
Jo raaton me jhapki deke sulaa jaate ho….
Unhe samajhna unn pahaadon ki taraah,,,
Jo apni uchaai pe hokar bhi ghamand nahi karte….
Unn lehron ki taraah,,,
Jo girr kar tujhe fir uthna sikhaate ho…
Aur jiss din teri khud se mulakaat ho jaayegi na,,,
Tu uss duniya me pohoch jaayega Aur fir, vapas aane ki zid mat karna….

Who are we poetry

Here you find more stuff on this page 

And here you find about some good articles on art which you love to Read

Something Wrong Please Contact to Davsy Admin

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.